ພາລະບົດບາດລວມ

ມາດຕາ 1 ຈຸດປະສົງ
ຂໍ້ຕົກລົງສະບັບນີ້ກຳນົດ ທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ, ໂຄງປະກອບການ ຈັດຕັ້ງ, ຫຼັກການ ແລະ ແບບແຜນວິທີເຮັດວຽກ ເພື່ອເປັນບ່ອນອີງໃຫ້ແກ່ ການຈັດຕັ້ງ ແລະ ການເຄື່ອນໄຫວ ຂອງສຳນັກພິມສຶກສາ ແລະ ກິລາ ແນໃສ່ຈັດຕັ້ງຜັນຂະຫຍາຍ ແນວທາງນະໂຍບາຍ, ຍຸດທະສາດ, ແຜນພັດທະນາການສຶກສາ ແລະ ກິລາ ແລະ ແຜນພັດທະນາວຽກງານສໍານັກພິມສຶກສາ ແລະ ກິລາ ໃຫ້ມີປະສິດທິພາບ ແລະ ປະສິດທິຜົນ,
ມາດຕາ 2 ທີ່ຕັ້ງ ແລະ ພາລະບົດບາດ
ສຳນັກພິມສຶກສາ ແລະ ກິລາ ຂຽນອັກສອນຫຍໍ້ “ສພສກ” ເປັນກົງຈັກບໍລິຫານ ແລະ ວິຊາການ ທີ່ຂຶ້ນກັບກະຊວງສຶກສາທິການ ແລະ ກິລາ ໂດຍມີຖານະທຽບເທົ່າກົມ, ມີພາລະບົດບາດເປັນເສນາທິການ ໃຫ້ແກ່ລັດຖະມົນຕີ ໃນການຄຸ້ມຄອງມະຫາພາກກ່ຽວກັບ ປຶ້ມ, ຕົ້ນສະບັບ ປຶ້ມແບບຮຽນ, ປຶ້ມຄູ່ມືຄູ ແລະ ການພັດທະນາສື່ການຮຽນ-ການສອນ ແລະ ການຈັດຊື້-ຈັດຈ້າງ ດ້ວຍທຶນຂອງລັດ ກ່ຽວກັບປື້ມ, ສື່ສິ່ງພິມ,ສື່ເອເລັກໂຕຣນິກ, ອຸປະກອນການສຶກສາ ແລະ ກິລາ, ພ້ອມທັງ ສະໜອງແຈກຢາຍໃຫ້ຖືກຕ້ອງຕາມຈຸດປະສົງ ແລະ ເປົ້າໝາຍ ໃນການຄຸ້ມຄອງວຽກງານດັ່ງກ່າວ ໃຫ້ມີປະສິດທິພາບ ແລະ ປະສິດທິຜົນ.
ໝວດທີ 2 ໜ້າທີ່ ແລະ ຂອບເຂດສິດ
ມາດຕາ 3 ໜ້າທີ່
ສຳນັກພິມສຶກສາ ແລະ ກິລາ ມີໜ້າທີ່ດັ່ງນີ້:
1. ຜັນຂະຫຍາຍແນວທາງນະໂຍບາຍ, ກົດລະບຽບ, ມະຕິ, ຄໍາສັ່ງຂອງພັກ, ກົດໝາຍຂອງລັດ, ທິດທາງ ແຜນການ ແລະ ຍຸດທະສາດຂອງກະຊວງສຶກສາທິການ ແລະ ກິລາ ເພື່ອສ້າງເປັນແຜນພັດທະນາວຽກ ງານຂອງສໍານັກພິມສຶກສາ ແລະ ກິລາ;
2. ສ້າງ ແລະ ປັບປຸງນິຕິກຳ ກ່ຽວກັບວຽກງານຂອງສຳນັກພິມສຶກສາ ແລະ ກິລາ;
3. ຄົ້ນຄວ້າ, ອອກແບບ ແລະ ພັດທະນາ ປຶ້ມອ່ານເສີມ, ສື່ສິ່ງພິມ, ສື່ເອເລັກໂຕຣນິກ ແລະ ອຸປະກອນ ການສຶກສາ ແລະ ກິລາ ໂດຍສົມທົບກັບພາກສ່ວນທີ່ກ່ຽວຂ້ອງ;
4. ຄຸ້ມຄອງ ປຶ້ມແບບຮຽນ, ປຶ້ມຄູ່ມືຄູ, ປື້ມບັນທຶກຕ່າງໆ, ປຶ້ມອ່ານເສີມ, ສື່ສິ່ງພິມ, ສື່ເອເລັກໂຕຣນິກ ແລະ ອຸປະກອນການສຶກສາ ແລະ ກິລາ;

5. ຄົ້ນຄວ້າ ມາດຕະຖານ ແລະ ເງື່ອນໄຂ ໃນການກຳນົດການຄຸ້ມຄອງລາຄາຫົວໜ່ວຍຂອງ ປຶ້ມ, ສື່ສິ່ງພິມ ສື່ເອເລັກໂຕຣນິກ, ອຸປະກອນການສຶກສາ ແລະ ກິລາ ໂດຍປະສານສົມທົບກັບ ກະຊວງອຸດສາຫະກຳ ແລະ ການຄ້າ ແລະ ພາກສ່ວນທີ່ກ່ຽວຂ້ອງ;
6. ຂຶ້ນທະບຽນ, ຂຶ້ນບັນຊີຕົ້ນສະບັບ ເພື່ອຄຸ້ມຄອງລິຂະສິດຂອງປຶ້ມແບບຮຽນ, ປຶ້ມຄູ່ມືຄູ, ປື້ມບັນທຶກ ຕ່າງໆ, ປຶ້ມອ່ານເສີມ, ສື່ສິ່ງພິມ, ສື່ເອເລັກໂຕຣນິກ ແລະ ອຸປະກອນການສຶກສາ ແລະ ກິລາ ໂດຍປະ ສານສົມທົບກັບພາກທີ່ກ່ຽວຂ້ອງຕາມກົດໝາຍ ແລະ ລະບຽບການ;
7. ຄຸ້ມຄອງ ແລະ ດໍາເນີນການຈັດຊື້-ຈັດຈ້າງ ດ້ວຍທຶນຂອງລັດກ່ຽວກັບວຽກງານການຈັດພິມປຶ້ມ, ສື່ສິ່ງ ພິມ, ສື່ເອເລັກໂຕຣນິກ, ອຸປະກອນການສຶກສາ ແລະ ກິລາ ຕາມການແບ່ງຂັ້ນຄຸ້ມຄອງ;
8. ເກັບກຳຂໍ້ມູນ ແລະ ສັງລວມແຜນຄວາມຕ້ອງການໃນການສະໜອງປື້ມແບບຮຽນ, ປຶ້ມຄູ່ມືຄູ, ປຶ້ມ ບັນທຶກຕ່າງໆ, ປຶ້ມອ່ານເສີມ, ສື່ສິ່ງພິມ, ສື່ເອເລັກໂຕຣນິກ ແລະ ອຸປະກອນການສຶກສາ ແລະ ກິລາ ຂອງບັນດາສະຖານການສຶກສາ ໃນຂອບເຂດທົ່ວປະເທດ ໂດຍການປະສານສົມທົບກັບພາກສ່ວນ ຕ່າງໆທີ່ກ່ຽວຂ້ອງ;
9. ຄຸ້ມຄອງບັນຊີສາງ, ການຂົນສົ່ງ ແລະ ການແຈກຢາຍບັນດາປຶ້ມ, ສື່ສິ່ງພິມ, ສື່ເອເລັກໂຕຣ ນິກ, ອຸປະກອນການສຶກສາ ແລະ ກິລາ ທີ່ໄດ້ມາຈາກທຸກແຫຼ່ງທຶນ;
10. ຈັດສົ່ງປຶ້ມ, ສື່ສິ່ງພິມ, ສື່ເອເລັກໂຕຣນິກ ແລະ ອຸປະກອນການສຶກສາ ແລະ ກິລາ ແຕ່ສູນກາງຮອດ ທ້ອງຖິ່ນ ໃນຂອບເຂດທົ່ວປະເທດ ຕາມການຊີ້ນໍາຂອງຂັ້ນເທິງ;
11. ສ້າງຄວາມເຂັ້ມແຂງທາງດ້ານວິຊາການ ກ່ຽວກັບວຽກງານການຄຸ້ມຄອງ ການນໍາໃຊ້ປຶ້ມ, ສື່ສິ່ງພິມ, ສື່ເອເລັກໂຕຣນິກ, ອຸປະກອນການສຶກສາ ແລະ ກິລາ ແລະ ການສະໜອງແຈກຢາຍຕາມການ ແບ່ງຂັ້ນຄຸ້ມຄອງ;
12. ຄຸ້ມຄອງ, ຊຸກຍູ້ ແລະ ສົ່ງເສີມທາງດ້ານວິຊາການຂອງບໍລິສັດລັດວິສາຫະກິດໂຮງພິມສຶກສາ ແລະ ບໍລິສັດລັດວິສາຫະກິດ ອຸປະກອນການສຶກສາຕາມກົດໝາຍ ແລະ ລະບຽບການ;
13. ພົວພັນ ແລະ ປະສານສົມທົບກັບພາກສ່ວນຕ່າງໆ ທີ່ກ່ຽວຂ້ອງໃນ ຂະແໜງການສຶກສາທິການ ແລະ ກິລາ, ອົງການຈັດຕັ້ງສາກົນ ແລະ ອົງການຈັດຕັ້ງຕ່າງໆ ທັງພາກລັດ ແລະ ເອກະຊົນ ກ່ຽວກັບວຽກງານ ວິຊາການ ເພື່ອການພັດທະນາສຳນັກພິມສຶກສາ ແລະ ກິລາ ຕາມກົດໝາຍ ແລະ ລະບຽບການ;
14. ກວດກາ, ຕິດຕາມ ແລະ ປະເມີນຜົນ ພ້ອມທັງສະຫຼຸບ ແລະ ລາຍງານການຈັດຕັ້ງປະຕິບັດວຽກງານ ຂອງຕົນ ໃຫ້ຂັ້ນເທິງ ເປັນປົກກະຕິ;
15. ປະຕິບັດໜ້າທີ່ອື່ນ ຕາມການມອບໝາຍຂອງລັດຖະມົນຕີ.
ມາດຕາ 4
ຂອບເຂດສິດ
ສຳນັກພິມສຶກສາ ແລະ ກິລາ ມີຂອບເຂດສິດ ດັ່ງນີ້:
1. ສະເໜີແຜນການ ແລະ ແຜນງົບປະມານເພື່ອພັດທະນາວຽກງານທີ່ຕົນຮັບຜິດຊອບ ຕໍ່ລັດຖະມົນຕີ;
2. ສະເໜີລັດຖະມົນຕີ ພິຈາລະນາ, ອະນຸມັດ, ປັບປຸງ, ສ້າງ ຫຼື ຍົກເລີກບັນດານິຕິກຳຕ່າງໆ ທີ່ກ່ຽວກັບ ວຽກງານຂອງສຳນັກພິມສຶກສາ ແລະ ກິລາ ທີ່ບໍ່ສອດຄ່ອງ;
3. ສະເໜີຕໍ່ລັດຖະມົນຕີພິຈາລະນາ, ອະນຸມັດ, ປັບປຸງສ້າງຕັ້ງ ຫຼື ຍົກເລີກ ຫົວໜ່ວຍການຈັດຕັ້ງຕ່າງໆ ທີ່ຂຶ້ນກັບການຄຸ້ມຄອງຂອງສຳນັກພິມສຶກສາ ແລະ ກິລາ;
4. ສະເໜີ ລັດຖະມົນຕີ ພິຈາລະນາການບັນຈຸ, ສັບຊ້ອນ, ຍົກຍ້າຍ, ແຕ່ງຕັ້ງ ແລະ ປົດຕຳແໜ່ງພະນັກ ງານ-ລັດຖະກອນ ພາຍໃນສຳນັກພິມສຶກສາ ແລະ ກິລາ ຕາມກົດໝາຍ ແລະ ລະບຽບການ;
5. ສະເໜີການປະຕິບັດນະໂຍບາຍຕ່າງໆ ຕໍ່ຜູ້ມີຜົນງານ ແລະ ປະຕິບັດວິໄນພະນັກງານ-ລັດຖະກອນ ພາຍໃນສໍານັກພິມສຶກສາ ແລະ ກິລາ ຕາມກົດໝາຍ ແລະ ລະບຽບການ;
6. ຄຸ້ມຄອງ ແລະ ນໍາໃຊ້ງົບປະມານ, ເອກະສານ, ວັດຖຸ, ຊັບສິນ, ກອງທຶນ ແລະ ທຶນຊ່ວຍເຫຼືອປະເພດ ຕ່າງໆ ຕາມການອະນຸມັດຂອງລັດຖະມົນຕີ;
7. ຮຽກ ແລະ ເຂົ້າຮ່ວມປະຊຸມປຶກສາຫາລື ແລະ ຖອດຖອນບົດຮຽນກ່ຽວກັບວຽກງານຂອງສຳນັກພິມ ສຶກສາ ແລະ ກິລາ ຕາມພາລະບົດບາດຂອງຕົນ;
8. ປະສານສົມທົບກັບພາກສ່ວນຕ່າງໆພາຍໃນຂະແໜງການສຶກສາ ແລະ ກິລາ ລວມທັງພາກສ່ວນອື່ນ ທີ່ກ່ຽວຂ້ອງ ເພື່ອປະຊຸມປຶກສາຫາລືຖອດຖອນບົດຮຽນ ໃນການຈັດຕັ້ງປະຕິບັດວຽກງານວິຊາການທີ່ ຢູ່ໃນຄວາມຮັບຜິດຊອບຂອງສຳນັກພິມສຶກສາ ແລະ ກິລາຕາມການອະນຸມັດຂອງລັດຖະມົນຕີ;
9. ປະຕິບັດໂຄງການຊ່ວຍເຫຼືອ, ໂຄງການຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນ, ການຊ່ວຍ ເຫຼືອຈາກບຸກຄົນ, ນິຕິບຸກຄົນ ແລະ ອົງການຈັດຕັ້ງ ທັງພາຍໃນ ແລະ ຕ່າງປະເທດ ເພື່ອພັດທະນາວຽກ ງານຂອງສຳນັກພິມສຶກສາ ແລະ ກິລາ ຕາມການອະນຸມັດຂອງລັດຖະມົນຕີ;
10. ສະເໜີລັດຖະມົນຕີປົກປ້ອງ, ຄຸ້ມຄອງບຸກຄະລາກອນ, ຊັບສິນ, ລິຂະສິດທາງດ້ານການສຶກສາ, ວິທະຍາສາດ ແລະ ກິລາ;
11. ປະຕິບັດສິດອື່ນ ຕາມການມອບໝາຍຂອງລັດຖະມົນຕີ.
ມາດຕາ 5 ໂຄງປະກອບກົງຈັກ
ໂຄງປະກອບກົງຈັກ ຂອງສຳນັກພິມສຶກສາ ແລະ ກິລາ ປະກອບມີ 4 ພະແນກ:
1. ພະແນກ ບໍລິຫານ ແລະ ຄົ້ນຄວ້າ-ສັງລວມ;
2. ພະແນກ ຄຸ້ມຄອງປຶ້ມ ແລະ ພັດທະນາສື່ການຮຽນການສອນ;
3. ພະແນກ ຄຸ້ມຄອງ ຕົ້ນສະບັບ ແລະ ການຈັດຊື້-ຈັດຈ້າງ;
4. ພະແນກ ຄຸ້ມຄອງສາງ ແລະ ການຂົນສົ່ງ.
ມາດຕາ 6 ໂຄງປະກອບບຸກຄະລາກອນ ແລະ ຕຳແໜ່ງງານ
ສຳນັກພິມສຶກສາ ແລະ ກິລາ ມີໂຄງປະກອບບຸກຄະລາກອນ ດັ່ງນີ້: 1. ຜູ້ອໍານວຍການ 01 ທ່ານ, ຮັບຜິດຊອບຕໍ່ ລັດຖະມົນຕີ ແລະ ຮອງລັດຖະມົນຕີກະຊວງ ຊຶ່ງມີໜ້າທີ່ ແລະ ຂອບເຂດສິດ ຕາມທີ່ກຳນົດໄວ້ໃນ ມາດຕາ 3 ແລະ ມາດຕາ 4 ຂອງຂໍ້ຕົກລົງສະບັບນີ້; ໃນເວລາຜູ້ອໍານວຍການ ຕິດຂັດຕ້ອງມອບສິດໃຫ້ຮອງຜູ້ອໍານວຍການ ທ່ານໃດໜຶ່ງຮັກສາການ ແທນ.
2. ມີຮອງຜູ້ອໍານວຍການ ຈໍານວນໜຶ່ງຊ່ວຍຜູ້ອຳນວຍການ ໃນການຊີ້ນໍາວຽກງານຂອງຕົນ, ຮັບຜິດຊອບ ວຽກງານໃດໜຶ່ງ ຕາມການມອບໝາຍຂອງ ຜູ້ອໍານວຍການ ແລະ ຮອງຜູ້ອໍານວຍການ ເປັນຜູ້ຮັກສາ ການແທນ ໃນເວລາຜູ້ອໍານວຍການຕິດຂັດ ພ້ອມທັງ, ລາຍງານວຽກງານທີ່ໄດ້ຈັດຕັ້ງປະຕິບັດໃນໄລຍະ ຮັກສາການແທນນັ້ນ ໃຫ້ຜູ້ອຳນວຍການ ພາຍຫຼັງກັບມາປະຈຳການ;
3. ຫົວໜ້າພະແນກ, ຮອງຫົວໜ້າພະແນກ ແລະ ລັດຖະກອນວິຊາການ ຈໍານວນໜຶ່ງ ຮັບຜິດຊອບວຽກງານ ຕາມການກຳນົດຕຳແໜ່ງງານ ທີ່ຂັ້ນເທິງອະນຸມັດ.
ສໍາລັບການບັນຈຸ, ສັບຊ້ອນ, ແຕ່ງຕັ້ງ, ຍົກຍ້າຍ ຫຼື ປົດຕຳແໜ່ງ ແມ່ນປະຕິບັດຕາມກົດໝາຍ ແລະ ລະບຽບການ.