ພະແນກຄຸ້ມຄອງປຶ້ມ ແລະ ສື່ການຮຽນການສອນ

1. ຄົ້ນຄວ້າ ສ້າງ ແລະ ປັບປຸງນິຕິກຳ ກ່ຽວກັບການຄຸ້ມຄອງປື້ມແບບຮຽນ, ປຶ້ມຄູ່ມືຄູ, ການອອກແບບ ແລະ ພັດທະນາສື່ການຮຽນການສອນ ຂອງບຸກຄົນ, ນິຕິບຸກຄົນ ອົງການຈັດຕັ້ງທັງພາກລັດ ແລະ ເອກະຊົນ;

2. ຄົ້ນຄວ້າ, ສ້າງ ແລະ ພັດທະນາເຄື່ອງມື ແລະ ລະບົບຖານຂໍ້ມູນປື້ມແບບຮຽນ, ປຶ້ມຄູ່ມືຄູ ສື່ສິ່ງພິມ, ສື່ເອເລັກໂຕຣນິກ, ອຸປະກອນການສຶກສາ ແລະ ກິລາ ອົງການຈັດຕັ້ງພາກລັດ ແລະ ເອກະຊົນ;

3. ຄົ້ນຄວ້າ, ກຳນົດແຜນການ, ແຜນງານ ໃນການອອກແບບ ແລະ ພັດທະນາປຶ້ມອ່ານເສີມ ແລະ ອຸປະກອນການສຶກສາ ແລະ ກິລາ ເພື່ອສົ່ງເສີມ ການຮຽນ-ການສອນ ໃຫ້ມີຄວາມຫຼາກຫຼາຍ ເພື່ອຮັບ ໃຊ້ສັງຄົມ ໂດຍສົມທົບກັບພາກສ່ວນທີ່ກ່ຽວຂ້ອງ;

4. ເກັບກຳຂໍ້ມູນປຶ້ມແບບຮຽນ, ປຶ້ມຄູ່ມືຄູ, ປື້ມບັນທຶກຕ່າງໆ, ປຶ້ມອ່ານເສີມ, ອຸປະກອນການສຶກສາ ແລະ ກິລາ ຂອງຂະແໜງການສຶກສາທິການ ແລະ ກິລາ;

5. ຕິດຕາມ, ຊຸກຍູ້ສ້າງຄວາມເຂັ້ມແຂງທາງດ້ານວິຊາການ ໃນການຄຸ້ມຄອງປຶ້ມ, ການອອກແບບ, ການ ກຳນົດມາດຕະຖານເຕັກນິກ, ການສ້າງຕົ້ນສະບັບປຶ້ມອ່ານເສີມ, ສື່ເອເລັກໂຕຣນິກ ແລະ ອຸປະກອນ ການສຶກສາ ແລະ ກິລາ ໂດຍສົມທົບກັບພາກສ່ວນທີ່ກ່ຽວຂ້ອງ ເພື່ອໃຫ້ສອດຄ່ອງຕາມຫຼັກສູດ

ການຮຽນ-ການສອນ;

6. ພົວພັນຮ່ວມມື ແລະ ປະສານສົມທົບກັບພາກສ່ວນທີ່ກ່ຽວຂ້ອງພາຍໃນຂະແໜງການສຶກສາທິການ ແລະ ກິລາ, ອົງການຈັດຕັ້ງຕ່າງໆ ທັງພາກລັດ ແລະ ເອກະຊົນ ກ່ຽວກັບວຽກງານການຄຸ້ມຄອງປື້ມ,

ການອອກແບບ ແລະ ພັດທະນາສື່ການຮຽນ-ການສອນ ໃຫ້ມີຄວາມທັນສະໄໝ ແລະ ສອດຄ່ອງ ຕາມ ກົດໝາຍ ແລະ ລະບຽບການ;
7. ປະສານສົມທົບກັບບັນດາພະແນກ ພາຍໃນສຳນັກພິມສຶກສາ ແລະ ກິລາ ໃນການຈັດຕັ້ງປະຕິບັດວຽກ
ງານ;
8. ຕິດຕາມ, ກວດກາ ແລະ ປະເມີນຜົນ ພ້ອມທັງສະຫຼຸບລາຍງານການຈັດຕັ້ງປະຕິບັດວຽກງານ ພາຍໃນ ພະແນກ ໃຫ້ຄະນະອຳນວຍການ ແລະ ຂັ້ນເທິງ ໃນແຕ່ລະໄລຍະ;
9. ປະຕິບັດໜ້າທີ່ອື່ນ ຕາມການມອບໝາຍຂອງຄະນະສຳນັກພິມສຶກສາ ແລະ ກິລາ.